Projekte

Botohet studimi me titull “Nanomaterialet për Konservimin e Trashëgimisë Kulturore”

Studimi i mundësuar nga AKKSHI (Agjencia Kombëtare e Kërkimit Shkencor dhe Inovacionit) për Shqipërinë dhe CNR (Consiglio Nazionale delle Ricerche) Këshilli Kombëtar i Kërkimeve Shkencore të Italisë, zbatuar nga UPT në vendin tone dhe nga Instituti i Kristalografisë në Bari,, paraqet një analizë teorike të mbrojtjes dhe konservimit të trashëgimisë kulturore të gurit, të mbështetur edhe në legjislacionin përkatës të Evropës dhe vendit tonë, sintezën dhe karakterizimin e nanomaterialeve të grupit të tokave alkaline, optimizimin e prodhimit eksperimental dhe analizën e detajuar të mbrojtjes së traventinave, duke krijuar një bazë për kuptimin e natyrës së realizimit të konsolidimit me nanomateriale dhe strategjive që duhen ndjekur për realizimin e saj. Në llojin e tij, studimi synon një qasje inxhinierike te bazave të realizimit të mbrojtjes dhe konsolidimit të trashëgimisë kulturore të gurit, në këndvështrimin e shikimit të procesit si fenomen që mund të zbatohet në praktike gjerësisht apo i kufizuar.Në përfundim, studimi u botua si editorial me titull “Nanomaterialet për Konservimin e Trashëgimisë Kulturore” që u shkrua për të mundësuar përhapjen e studimit, punës shkencore eksperimentale dhe përpunimin e rezultateve me metodat bashkëkohore që përdoren sot për nanomaterialet.Botimi i plotë në pdf mund të shkarkohet në faqen e UPT, ndërsa kopje të tij gjenden në Bibliotekën Kombëtare me ISBN 978-99943-2-468-2, si edhe në Bibliotekën e UPT.

Kopertina

 

BKSTONE

REACH

DRIVE

Njoftim - Zhvillohet takimi i parë i projektit “BKSTONE “

Në datat 17-18 shkurt, në Universitetin Politeknik të Tiranës, në sallën “ Silvano Pedrollo”, u zhvillua takimi i parë i projektit “BKSTONE”.
Universiteti Politeknik i Tiranës është në rolin e koordinatorit të projektit. Projekti “BKSTONE” nën programin “Ndërtim Kapacitetesh në AL” me titullin “Higher Education-Enterprise Platform for Fostering, Modernization and Sustainable Growth in Natural Stone Industry in WBs.”, është financuar nga programi Erasmus+.
Për herë të parë në Shqipëri, po realizohet një projekt me këtë lloj gjithpërfshirjeje: Akademinë , Institucione private dhe shtetërore, që kanë si fjalë kyçe “GURIN NATYRAL”.
Në partneritetin prej 14 institucionesh të Arsimit të Lartë, dhe Qendra Kërkimore, nga vendet e Ballkanit dhe BE, 3 prej tyre janë nga Shqipëria: Universiteti Politeknik i Tiranës, Universiteti i Elbasanit, “ Aleksandër Xhuvani” dhe Universiteti i Gjirokastrës , “Eqrem Çabej”.

           

           

           

 

                                                              

Vini re !!!!!

Tashmë, për studentët, ka ndryshuar adresa e regjistrimit në platformën e punësimit online, GRADUA.
Nga gradua.almalaurea.it në adresën e re:https://gradua.rash.al/, ndërkohë që për studentët e regjistruar më herët,
 kredencialet në platformë kanë mbetur të pandryshuara.

 Njoftim - Zhvillohet programi i informimit dhe komunikimit të platformës GRADUA pranë Universitetit Politeknik të Tiranës

Gjatë muajit Janar 2020 do të zhvillohen informime të studentëve pranë secilit fakultet të Universitetit Politeknik të Tiranës në lidhje me platformën e projektit GRADUA.

Projekti GRADUA ka si qëllim të krijojë bashkëpunime konkrete midis Universitetit dhe tregut të punës nëpërmjet krijimit të një platforme të përbashkët. Kjo platformë do të ofrojë forma të reja rekrutimi, nëpërmjet rritjes së mundësisë së ekspozimit të studentëve ndaj bizneseve të interesuara sipas fushave të ekspertizës. Ajo do të bëjë të mundur ndjekjen e të diplomuarve dhe punësimin e tyre, duke u mbështetur në praktikat më të mira të BE-së. Mbi këtë projekt merrni informacionin e nevojshëm në linkun:https://www.graduaproject.com/

Gjithashtu do të zhvillohet dhe një Info Day në Rektoratin e UPT-së, ku janë të ftuar të marrin pjesë të gjithë studentët e interesuar për të marrë më shumë informacion rreth benefiteve që përfitojnë nga regjistrimi në platformë.

Për më tepër informacion rreth ditëve të informimit dhe programit të detajuar klikoni këtu

 
Avancimi i të Diplomuarve dhe zhvillimi i kapaciteteve universitare në Shqipëri/ GRADUA
                                                                    
 Projekti do të mbështesë universitetet shqiptare duke krijuar një model të përputhjes së kërkesës me ofertën, bazuar në databazën e të diplomuarve nëpërmjet: mbledhjes së të dhënave për performancën e diplomuar; lehtësimin e bashkëpunimit midis IAL-ve dhe biznesit; lehtësimi i vendosjes së të diplomuarve në tregun e punës. Informacioni aktual në Shqipëri në fakt është mjaft i shpërndarë për një monitorim të vazhdueshëm dhe efektiv mbi sistemin e trajnimit, tregun e punës dhe lidhjen midis tyre, dhe për të parashikuar kërkesat e aftësive të nevojave të tregut të punës. Projekti do të mbështesë kështu universitetet shqiptare duke krijuar një model të përputhjes së kërkesës së integruar të kërkesës bazuar në bazën e të dhënave të të diplomuarve (në modelin e zhvilluar në Itali) përmes:
i) grumbullimin dhe analizimin e të dhënave për performancën e diplomuar dhe universitetet, lëshimin e dokumentacionit të besueshëm, të vazhdueshëm dhe të azhurnuar për vlerësimin e sistemit të arsimit të lartë në mbështetje të procesit të reformës në vazhdim;
ii) lehtësimin e bashkëpunimit ndërmjet institucioneve të arsimit të lartë dhe botës së biznesit (shërbimet online të bazuara në TI janë zhvilluar dhe vënë në dispozicion të të diplomuarve, stafit dhe firmave universitare);
iii) lehtësimin e vendosjes së të diplomuarve në tregun e punës
Partneri kryesor: Universiteti Bujqësor i Tiranës (AUT-UBT)
Partnerët:
Universiteti i Tiranës (UT)
Universiteti i Arteve Tiranë (UART)
Universiteti Europian i Tiranës (UET)
Universiteti i Mjekësisë, Tiranë (UMT)
Universiteti Europian i Tiranës (UET)
Universiteti Polis (U_POLIS)
Universiteti Katolik “Zonja e Këshillit të Mirë” (UniKZKM)
Albanian University (AU)
Alma Mater Studiorum Università di Bologna (UNIBO)
Università degli Studi di Siena (UNISI)
University of Barcelona (UB)
University Institute of Lisbon (ISCTE-IUL)
Dhoma e Tregtisë dhe Industrisë, Tiranë (CCIT)
Consorzio Interuniversitario AlmaLaurea (AL)
Ministria e Arsimit, Rinisë dhe Sporteve (MARS)
Associated partners: United Nations Development Programme (UNDP
Person kontakti:
Dr. Alma Afezolli
 
 
Projekti MARDS adreson një nga problemet më të mprehta në sistemet arsimore malazeze dhe shqiptare, studimet e doktoraturës. Objektivi kryesor i projektit është të rindërtojë shkollat e doktoraturës në përputhje me parimet e Salzburgut dhe të krijojë shkolla të përbashkëta pilot të doktoraturës; shkolla të qëndrueshme dhe moderne mes dy vendeve partnere dhe fqinje të cilat do të shërbejnë si shembull i "praktikës së mirë" për Rajonin e Ballkanit Perëndimor. Në tërësi, për të përmirësuar dhe krijuar kapacitete të qëndrueshme në fushën e studimeve të doktoratës në të dy vendet.
Objektivat specifike të projekteve të MARDS janë:
• të rishikojë politikat ekzistuese kombëtare / standardet për studimet e doktoratës në të dy vendet dhe përputhshmërinë e tyre me praktikat e BE-së,
• të zhvillojë dhe të propozojë një model të ri të studimeve të doktoratës në të dy vendet, të përshtatura sipas eksperiencave të fituara gjatë dekadave të fundit dhe nevojave aktuale dhe të parashikuara të dy vendeve,
• të propozojë një metodë të qëndrueshme të financimit të studimeve të doktoraturës në të dy vendet në nivel kombëtar.
• të krijojnë dy shkolla të përbashkëta të doktoratës "Shkencat Natyrore dhe Teknologjia për një zhvillim të qëndrueshëm" në Mal të Zi (Podgoricë) dhe "Ekonomia dhe Turizmi për një zhvillim të qëndrueshëm" në Shqipëri (Shkodër).
• të krijojë një bashkëpunim të qëndrueshëm me partnerët e BE-së dhe të themelojë Shkollën e Doktoraturës në mënyrë që të ruajë standardet e zhvilluara.
Partnerët në këtë projekt janë:
Partnerët Europianë:
Universiteti i Vienës,
Universiteti i Zagrebit;
Universiteti i Maribor,
Universiteti i Banska Bistrica,
Shoqata e profesionistëve në edukimin e doktoraturës.
Partnerët e Malit të Zi:
Universiteti i Malit të Zi (Koordinator i projektit),
Universiteti i Donja Gorica,
Ministria e Edukimit e Malit të Zi;
Ministria e Shkencës e Malit të Zi;
Dhoma e Tregtisë e Malit të Zi.
Partnerët Shqiptarë:
Universiteti i Shkodrës “Luigj Gurakuqi”,
Universiteti Politeknik i Tiranës,
Universiteti “Ismail Qemali” Vlorë,
Universiteti Metropolitan i Tiranës,
Ministria e Arsimit, Sportit dhe Rinisë në Shqipëri.
Faqa zyrtare e projektit: https://www.mards.ucg.ac.me
 
NJOFTIM – Ftohen dy vlerësues të jashtëm për projektin MARDS

Projekti MARDS adreson një nga problemet më të mprehta në sistemet arsimore malazeze dhe shqiptare, studimet e doktoraturës. Objektivi kryesor i projektit është të rindërtojë shkollat e doktoraturës në përputhje me parimet e Salzburgut dhe të krijojë shkolla të përbashkëta pilot të doktoraturës; shkolla të qëndrueshme dhe moderne mes dy vendeve partnere dhe fqinje të cilat do të shërbejnë si shembull i "praktikës së mirë" për Rajonin e Ballkanit Perëndimor. Në tërësi, për të përmirësuar dhe krijuar kapacitete të qëndrueshme në fushën e studimeve të doktoratës në të dy vendet.
Në kuadër të këtij projekti ftohen dy vlerësues të jashtëm. Kandidatët potencialë duhet të kenë eksperienca në projekte që kanë të bëjnë me studimet e doktoraturës dhe menaxhimin e Arsimit të lartë.
Aplikimet duhet të shoqërohen edhe me një propozim deri në 3 faqe dhe të dërgohen me e-mail deri të mërkurën, më 15 janar 2020 tek koordinatori i projektit Prof. Dr. Radovan Stojanovic, Universiteti i Malit të Zi stox@ac.me si dhe tek menaxheri i cilësisë së projektit Asoc. Prof. Dr Matjaz Debevc, Universiteti i Maribor, Slovenia(matjaz.debevc@um.si)
Për më tepër informacion rreth dokumentacionit të aplikimit klikoni këtu ose vizitoni faqen zyrtare https://www.mards.ucg.ac.me/ .
 
       
 
 
 
Në Linjë

Kemi 142 vizitorë e asnjë përdorues në linjë

Mirësevini në faqen e Universitetit Politeknik të Tiranës

Studentët

Studentët

Pranime në Universitetin Politeknik të Tiranës (UPT)

Krijuar: 29 Shtator 2011 Ndryshimi i fundit: 20 Shtator 2021 Vizita: 213855

Kuotat e pranimit në programet e studimit të UPT

1. UPT-ja shpall publikisht në faqen zyrtare të institucionit dhe në portalin e Rrjetit Akademik Shqiptar (RASH), programet e hapura dhe ato të akredituara të studimeve, para fillimit të aplikimeve për pranimin e studentëve. 
2. Kuotat e pranimit të studentëve në UPT, në të gjitha programet e studimit, bëhen me vendim të SAUPT, mbështetur në propozimet e njësive bazë, miratimin e njësive kryesore dhe të BAUPT, në përputhje me standardet shtetërore, kapacitetet akademike dhe ato infrastrukturore. Këto standarde verifikohen dhe çertifikohen nga ministria përgjegjëse për arsimin e lartë.
3. Në varësi të ecurisë së regjistrimeve, kapaciteti i kuotave të programeve mund të përshtatet nga UPT në përputhje me interesin e studentëve, për programet e të njëjtit cikël studimi, që ofrohen nga njësitë bazë të së njëjtës njësi kryesore, duke mos tejkaluar, në asnjë rast, totalin e kapacitetit të deklaruar të kuotave, të përcaktuar në nivel njësie kryesore.
4. Kuotat në dispozicion për transferimin e studentëve dhe programe të dyta studimi nga brenda UPT-së ose IAL-ve të tjera përbëhen nga kuotat e paplotësuara nga regjistrimet e vitit të mëparshëm dhe kapacitetet që mund të krijohen, si rezultat i çregjistrimit të studentëve gjatë vitit akademik. Transferimet dhe programet e dyta të studimeve pranohen në fillim të çdo viti akademik, jo më vonë se fundi i javës së dytë të semestrit të parë. Transferimet nga cikli i parë pranohen në përputhje me udhëzimin e ministrisë përgjegjëse për arsimin e lartë.
5. Kuotat në dispozicion të transferimeve mund të shfrytëzohen edhe nga studentë, të cilët ndërpresin studimet në një program për t’u regjistruar në një program të të njëjtit cikël studimi, që i përket një fushe të ndryshme studimesh nga ajo e mëparshmja, nëse numri i krediteve, që njihen nga UPT-ja, është i mjaftueshëm për t’u regjistruar në vitin e dytë të studimeve.
 
Pranimi i studentëve në programin të ciklit të parë, të integruar të ciklit të dytë dhe të studimit profesional
 
1. Pranimi në programet e studimit të ciklit të parë të studimeve, të programeve të integruara të studimeve të ciklit të dytë si dhe të programeve të studimeve me karakter profesional është i mundur për çdo kandidat, i cili ka përfunduar me sukses ciklin e arsimit të mesëm ose zotëron një diplomë tjetër studimi të fituar jashtë vendit, të vlerësuar nga ministria përgjegjëse për arsimin e lartë, si ekuivalente me të dhe që plotëson kriterin/kriteret shtetërore, në përputhje me kornizën ligjore në fuqi.
2. Njësia bazë e UPT-së, përgjegjëse për programin e studimit, mund të vendosë kriter/kritere shtesë pranimi për përzgjedhjen e kandidatëve, të cilat propozohen prej saj dhe miratohen në Senatin Akademik. Këto kritere shtesë pranimi për përzgjedhjen e kandidatëve shpallen nga UPT-ja dhe vihen në dispozicion të Qendrës së Shërbimeve Arsimore dhe ministrisë përgjegjëse për arsimin e lartë. 
3. Qendra e Shërbimeve Arsimore (QSHA) koordinon procesin e aplikimit të kandidatëve në UPT për ndjekjen e studimeve në programet e ciklit të parë, atyre të integruara të ciklit të dytë dhe programet profesionale.
4. Njësia bazë, përgjegjëse për programin e studimit, propozon komisionin adhoc për vlerësimin dhe përzgjedhjen e kandidatëve fitues, i përbërë prej 3 anëtarësh, i cili miratohet nga dekanati, ku bën pjesë njësia bazë.
5. Komsioni adhoc i njësisë bazë, përgjegjëse për programin e studimit, vlerëson dhe përzgjedh kandidatët fitues, mbështetur në listat e aplikantëve të dërguara nga Qendra e Shërbimeve Arsimore dhe në përputhje me kriteret e vendosura.
6. Komision adhoc bën renditjen e aplikantëve në varësi të pikëve të grumbulluara prej tyre dhe vendos vijën e kuqe, në varësi të kuotave të ofruara për programin e studimit. Lista me renditjen e kandidatëve afishohet në mjediset publike të njësisë kryesore, në faqen zyrtare të njësisë kryesore dhe të UPT-së.
7. Kandidatët fitojnë të drejtën për t’u regjistruar në programet e studimi të ciklit të parë të studimeve, të programeve të integruara të studimeve të ciklit të dytë si dhe të programeve të studimeve me karakter profesional nëse mbi bazën e pikëve të grumbulluara, shpallen fitues nga komisioni adhoc i njësisë bazë përgjegjëse për programin e studimit.
8. Kandidatët fitues, të shpallur sipas pikës 7 të nenit 19, fitojnë statusin e studentit dhe kanë të drejtë të ndjekin studimet në vitin akademik përkatës, nëse regjistrohen në sekretarinë mësimore të fakultetit brenda afateve kohore të përcaktuara dhe të shpallura paraprakisht në udhëzimin e ministrisë përkatëse për arsimin e lartë.
9. Kandidatët e shpallur fitues në programet e studimi të ciklit të parë të studimeve, të programeve të integruara të studimeve të ciklit të dytë dhe të programeve të studimeve me karakter profesional nuk mund të regjistrohen për të ndjekur njëkohësisht dy programe studimi në UPT, me përjashtim të nxënësve të shkëlqyer.
10. Për t'u regjistruar, studenti paraqet pranë sekretarisë mësimore të fakultetit përkatës  dokumentacionin e nevojshëm, i cili përcaktohet në udhëzimin e ministrisë përgjegjëse për arsimin e lartë.
11. Sekretaria mësimore e njësisë kryesore, ku bën pjesë njësia bazë përgjegjëse për programin e studimit, përgatit listën e studentëve për t’u pajisur me një numër unik matrikullimi, që e shoqëron deri në marrjen e diplomës për programin përkatës të studimit.
 
Pranimi i studentëve në programet e studimit të ciklit të dytë
1. Njësitë kryesore të UPT-së, organizojnë procesin e pranimit dhe të regjistrimit të kandidatëve në ciklin e dytë të studimeve me kohë të plotë, “Master profesional” dhe “Master i shkencave”, si dhe verifikojnë dokumentacionin e pranimit sipas kuadrit ligjor në fuqi. Procesi menaxhohet dhe monitorohet nga Rektorati i UPT-së.
2. Kanë të drejtë të aplikojnë për programet e ciklit të dytë, kandidatët që: 
a) kanë përfunduar me sukses studimet dhe janë pajisur me diplomën përkatëse të vlefshme në Republikën e Shqipërisë, në një program të ciklit të parë në fushën përkatëse të studimit ose në fusha të tjera të përafërta, i cili rezulton i licencuar në momentin e regjistrimit të studentit dhe akredituar në momentin e diplomimit të studentit;
b) janë diplomuar jashtë vendit në një program studimi të ciklit të parë, të licencuar dhe akredituar. Në çdo rast pranimi, kandidati duhet të ketë kryer njësimin e diplomës pranë ministrisë përgjegjëse për arsimin e lartë.
3. Njësitë kryesore në UPT shpallin publikisht hapjen e procedurave të aplikimit, datat dhe oraret e veprimeve të konkurrimit dhe të regjistrimit, procedurat përkatëse, listën e dokumenteve të nevojshëm për aplikim dhe regjistrim, si edhe njoftime të tjera që i gjykojnë të nevojshme për sigurimin e ecurisë normale të procesit të pranimeve në programet e ciklit të dytë të studimeve.
4. Aplikimet në programet e studimit të ciklit të dytë me kohë të plotë, për të gjitha kategoritë e kandidatëve, bëhen pranë sekretarive mësimore të njësive kryesore në UPT.
5. Pranimi në programet e ciklit të dytë të studimeve është i mundur për kandidatët që kanë përfunduar të paktën një program studimi të ciklit të parë dhe plotësojnë kriteret e pranimit të përcaktuara nga departamentet dhe miratuar nga Dekanati i njësisë kryesore.
6. Kriteret bëhen publike në faqen e internetit të njësisë kryesore në UPT dhe i vihen në dispozicion Qendrës së Shërbimeve Arsimore dhe ministrisë përgjegjëse për arsimin e lartë, në përputhje me kornizën ligjore në fuqi.
7. Kriter pranimi në një program studimi të ciklit të dytë “Master i shkencave” është njohja nga kandidati e një prej pesë gjuhëve të huaja të Bashkimit Evropian: anglisht, frëngjisht, gjermanisht, italisht, spanjisht. Niveli i njohjes së gjuhës së huaj miratohet nga SAUPT, në përputhje me udhëzimin e ministrisë përgjegjëse për arsimin e lartë, ku përcaktohet dhe tipi i certifikatës së fituar. Nëse individi ka fituar një diplomë të një programi studimi të kryer në një nga këto gjuhë, diploma e fituar shërben si dëshmi për plotësimin e këtij kriteri. 
8. Njësia bazë, përgjegjëse për programin e studimit të ciklit të dytë, propozon komisionin adhoc për vlerësimin dhe përzgjedhjen e kandidatëve fitues, me të paktën 3 anëtarë, i cili miratohet nga drejtuesi i njësisë kryesore, ku bën pjesë njësia bazë.
9. Komisioni adhoc i njësisë bazë, përgjegjëse për programin e studimit të ciklit të dytë me kohë të plotë, vlerëson dhe përzgjedh kandidatët fitues, mbështetur në vlerësimin e dosjeve të kandidatëve mbi bazën e kritereve të shpallura.
10. Renditja e aplikantëve bëhet në bazë të mesatares së ponderuar të ciklit të parë të studimeve të diplomës bachelor dhe në përputhje me kriteret e tjera të vendosura nga njësia bazë përgjegjëse për programin e studimit, ku prioritet kanë aplikantët që zotërojnë një diplomë Bachelor në të njëjtën fushë në UPT. Komision adhoc bën renditjen e aplikantëve dhe vendos vijën e kuqe në varësi të kuotave të ofruara për programin e studimit.
11. Njësitë kryesore shpallin dhe afishojnë listat e aplikantëve fitues në vende të dukshme, në mjediset e njësive kryesore përkatëse, si dhe në faqet web, të ndarë sipas programeve të studimit përkatës, të renditur sipas rendit zbritës të pikëve të grumbulluara nga aplikantët, në përputhje me kuotat e pranimeve, të miratuara, për secilin program studimi të ciklit të dytë.
12. Aplikantët, të cilët vijnë nga fusha të njëjta ose të përafërta, ku përputhshmëria e programeve përkatëse të studimit të ciklit të parë, të shprehur në kredite është jo më pak se 70%, pranohen pa kredite debi në programin e studimit të ciklit të dytë.
13. Aplikantët, të cilët vijnë nga fusha të përafërta ku përputhshmëria e programeve përkatëse të studimit të ciklit të parë, të shprehur në kredite është më pak se 70%, pranohen me kredite debi në programin e studimit të ciklit të dytë. Departamenti përcakton disiplinat bazë dhe karakterizuese që duhet të japë kandidati, në funksion të njohurive pararendëse që duhet të ketë studenti për të ndjekur programin përkatës të studimit. Numri total i krediteve shtesë për plotësimin e njohurive të tyre nuk duhet të jetë më i madh se 30 kredite.
14. Komisioni adhoc duhet të përcaktojë detyrimet që i lindin aplikantit të shpallur fitues, kur vijnë nga fusha studimi të përafërta dhe t’ia bëjë të njohur atij, përpara regjistrimit të tyre.
15. Drejtuesi i njësisë kryesore, ku bën pjesë njësia bazë përgjegjëse për programin e studimit të ciklit të dytë, ngre komisionin e ankimimit, para fillimit të procesit të pranimit të kandidatëve.
16. Kandidatët kanë të drejtën e ankimit në njësinë kryesore, ku bën pjesë njësia bazë përgjegjëse për programin e studimit brenda tri ditëve kalendarike nga dita e shpalljes së rezultateve. Komisioni i ankimimit, i ngritur nga drejtuesi i njësisë kryesore, shprehet me vendim të argumentuar lidhur me ankimimin brenda dy ditëve pune nga data e paraqitjes së ankesave.
17. Kandidatët fitues regjistrohen pranë sekretarisë mësimore që mbulon programin e studimit ku janë shpallur fitues.
18. Kandidati nuk mund të ndjekë njëkohësisht dy programe studimi në UPT, me përjashtim të studentëve të shkëlqyer.
19. Sekretaria mësimore e njësisë kryesore, ku bën pjesë njësia bazë përgjegjëse për programin e studimit, përgatit listën e studentëve për t’u pajisur me një numër unik matrikullimi, që e shoqëron deri në marrjen e diplomës për programin përkatës të studimit.
20. UPT-ja mund të njohë kredite të përfituara në programet e studimit të ciklit të dytë “Master profesional”, me qëllim transferimin e tyre në programet e studimit “Master i shkencave”, duke respektuar procedurat dhe kërkesat e rregullores së zhvillimit kurrikular dhe mësimdhënies, si edhe kornizës ligjore në fuqi.
 
Pranimi i studentëve në programet e ciklit të tretë “Master ekzekutiv”
 
1. Njësitë kryesore të UPT-së, organizojnë procesin e pranimit dhe të regjistrimit të kandidatëve në ciklin e tretë të studimeve me kohë të plotë, “Master ekzekutiv”, dhe bëjnë verifikimin e dokumentacionit të pranimit sipas kuadrit ligjor ne fuqi. Procesi menaxhohet dhe monitorohet nga Rektorati i UPT-së.
2. Kanë të drejtë të aplikojne për programet e ciklit të tretë "Master ekzekutiv", kandidatët që:
a) kanë përfunduar me sukses studimet dhe janë pajisur me diplomën përkatëse të vlefshme në Republikën e Shqipërisë, në një program të ciklit të dytë "Master i shkencave", i cili rezulton i licencuar në momentin e regjistrimit të studentit dhe akredituar në momentin e diplomimit të studentit;
b) janë diplomuar jashtë vendit në një program studimi të ciklit të dyte "Master i shkencave ", të licencuar dhe akredituar. Në çdo rast pranimi, kandidati duhet të ketë kryer njësimin e diplomës pranë ministrisë përgjegjëse për arsimin e lartë.
3. Njësitë kryesore në UPT shpallin publikisht hapjen e procedurave të aplikimit, datat dhe oraret e veprimeve të konkurrimit dhe të regjistrimit, procedurat përkatëse, listën e dokumenteve të nevojshëm për aplikim dhe regjistrim, si edhe njoftime të tjera që i gjykojnë të nevojshme për sigurimin e ecurisë normale të procesit të pranimeve në programet e ciklit të tretë të studimeve.
4. Aplikimet në programet e studimit të ciklit të tretë me kohë të plotë, për të gjitha kategoritë e kandidatëve, bëhen pranë sekretarive mësimore të njësive kryesore në UPT.
5. Pranimi në programet e ciklit të tretë të studimeve është i mundur për kandidatët që kanë fituar diplomën “Master i shkencave” ose diplomë tjetër të njëvlershme me të dhe plotësojnë kriteret e pranimit, të përcaktuara nga njësitë bazë, në përputhje me standardet shtetërore të cilësisë dhe të miratuara nga SAUPT.
6. Kriteret bëhen publike në faqen e internetit të njësisë kryesore në UPT dhe i vihen në dispozicion Qendrës së Shërbimeve Arsimore dhe ministrisë përgjegjëse për arsimin e lartë, në përputhje me kornizën ligjore në fuqi.
7. Kriter pranimi në një program studimi të ciklit të tretë “Master ekzekutiv” është njohja nga kandidati e një prej pesë gjuhëve të huaja të Bashkimit Evropian: anglisht, frëngjisht, gjermanisht, italisht, spanjisht. Niveli i njohjes së gjuhës së huaj miratohet nga SAUPT në përputhje me udhëzimin e ministrisë përkatëse për arsimin e lartë, ku përcaktohet dhe tipi i certifikatës së fituar. Nëse individi ka fituar një diplomë të një programi studimi të kryer në një nga këto gjuhë, diploma e fituar shërben si dëshmi për plotësimin e këtij kriteri. 
8. Njësia bazë, përgjegjëse për programin e studimit të ciklit të tretë, propozon komisionin adhoc, me të paktën 3 anëtarë, për vlerësimin dhe përzgjedhjen e kandidatëve fitues, i cili miratohet nga drejtuesi i njësisë kryesore, ku bën pjesë njësia bazë.
9. Komsioni adhoc i njësisë bazë, përgjegjëse për programin e studimit të ciklit të tretë me kohë të plotë, vlerëson dhe përzgjedh kandidatët fitues, mbështetur në vlerësimin e dosjeve të kandidatëve mbi bazën e kritereve të shpallura në Statut dhe rregulloren e programit të studimit.
10. Renditja e aplikantëve bëhet në bazë të mesatares së ponderuar të ciklit të dytë të studimeve “Master i shkencave” dhe në përputhje me kriteret e tjera të vendosura nga njësia bazë përgjegjëse për programin e studimit, ku prioritet kanë aplikantët që zotërojnë një diplomë në të njëjtën fushë në UPT. Komision adhoc bën renditjen e aplikantëve dhe vendos vijën e kuqe në varësi të kuotave të ofruara për programin e studimit.
11. Njësitë kryesore shpallin dhe afishojnë listat e aplikantëve fitues në vende të dukshme, në mjediset e njësive kryesore përkatëse, si dhe në faqet web, të ndarë sipas programeve të studimit përkatës, të renditur sipas rendit zbritës të pikëve të grumbulluara nga aplikantët, në përputhje me kuotat e pranimeve, të miratuara, për secilin program studimi të ciklit të tretë.
12. Drejtuesi i njësisë kryesore, ku bën pjesë njësia bazë përgjegjëse për programin e studimit të ciklit të tretë, ngre komisionin e ankimimit, para fillimit të procesit të pranimit të kandidatëve.
13. Kandidatët kanë të drejtën e ankimimit në njësinë kryesore, ku bën pjesë njësia bazë përgjegjëse për programin e studimit brenda tri ditëve kalendarike nga dita e shpalljes së rezultateve. Komisioni i ankimimit i ngritur nga drejtuesi i njësisë kryesore shprehet me vendim të argumentuar lidhur me ankimimin, brenda dy ditëve pune nga data e paraqitjes së ankesave.
14. Kandidatet fitues regjistrohen pranë sekretarisë mësimore që mbulon programin e studimit ku janë shpallur fitues.
15. Sekretaria mësimore e njësisë kryesore, ku bën pjesë njësia bazë përgjegjëse për programin e studimit, përgatit listën e studentëve për t’u pajisur me një numër unik matrikullimi, që e shoqëron deri në marrjen e diplomës për programin përkatës të studimit.

 

 

Transferimi i studimeve

Krijuar: 23 Korrik 2010 Ndryshimi i fundit: 21 Prill 2021 Vizita: 55337

Transferimi i studimeve

1. UPT ofron mundësi për njohjen e krediteve dhe transferimin e studimeve, midis programeve të të njëjtit cikël studimi, brenda UPT-së apo institucioneve të ndryshme të arsimit të lartë, publike ose private, vendase ose të huaja, dhe lejon largimin e studentëve të tij për në universitete të tjera, sipas procedurave të parashikuara në këtë rregullore. Programet e studimit dhe detyrimet e shlyera në institucione të tjera njihen dhe ekuivalentohen nga pikëpamja e së drejtës për të vazhduar arsimimin, në një program studimi të njëjtë ose të ngjashëm. Njohja dhe ekuivalentimi i krediteve bëhet nga njësia bazë ose njësia kryesore pranë të cilit është paraqitur kërkesa për transferimin e studimeve.
2. Transferimet bëhen brenda të njëjtit cikël studimi dhe në fusha studimi të njëjta ose të përafërta dhe vetëm në fillim të vitit akademik. UPT-ja ofron mundësinë e transferimit të studimeve nga programe të sistemeve të mëparshme të studimeve universitare në UPT, në programe të ciklit të parë ose të integruara dhe të ciklit të dytë të studimeve. Njësia bazë ose kryesore, përcakton në rregulloren e programit të studimit fushat e përafërta të studimit që lejohen për transferimin e studimeve për programet e studimit që kanë nën përgjegjësi.
3. Kuotat e pranimit të studentëve për transferim, në UPT, në të gjitha programet e studimit, bëhen me vendim të SAUPT, mbështetur në propozimet e njësive bazë, miratimin e njësive kryesore dhe të BAUPT, në përputhje me standardet shtetërore, kapacitetet akademike dhe ato infrastrukturore. Këto standarde verifikohen dhe certifikohen nga ministria përgjegjëse për arsimin e lartë.
4. Kuotat në dispozicion për transferimin e studentëve brenda UPT-së ose IAL-ve të tjera përbëhen nga kuotat e paplotësuara nga regjistrimet e vitit të mëparshëm dhe kapacitetet që mund të krijohen, si rezultat i çregjistrimit të studentëve gjatë vitit akademik. Transferimet e studimeve pranohen në fillim të çdo viti akademik, jo më vonë se fundi i javës së dytë të semestrit të parë. Transferimet nga cikli i parë pranohen në përputhje me udhëzimin e ministrisë përgjegjëse për arsimin e lartë.
5. Në rastet e transferimit të studimeve nga brenda apo jashtë vendit, në vitet e ndërmjetme të programeve të studimit, brenda të njëjtit cikël, studentët duhet të plotësojnë kriterin e notës mesatare të përcaktuar me vendimin përkatës të Këshillit të Ministrave të vitit akademik që studenti është pranuar në institucionin e arsimit të lartë, duke filluar nga viti akademik 2016-2017 dhe në vijim.
6. Studenti mund të transferojë studimet, midis programeve të të njëjtit cikël studimi, brenda UPT-së apo nga institucione të ndryshme të arsimit të lartë, si brenda ashtu edhe jashtë vendit, nëse:
a. ka grumbulluar, sipas formulës së pranimit në programin përkatës të studimit, sasi pikësh më të larta se pragu minimal i pikëve, që është arritur në programin e studimit të kërkuar në vitin përkatës;
b. ka fituar jo më pak se 30 kredite në programin përkatës të studimit, nga vjen;
c. plotëson kriteret specifike për transferimin e studimeve të përcaktuara nga njësitë bazë ose njësia kryesore e UPT-së.
d. Në të kundërt, ai mund të fillojë studimet nga e para, duke ndjekur procedurat në hyrje të përcaktuar në kreun III të kësaj rregulloreje.
7. Kriteret dhe procedurat e njohjes së krediteve të fituara përcaktohen në rregulloren e njësisë bazë ose kryesore, në përputhje me ligjin e arsimit të lartë, aktet e tjera nënligjore dhe këtë rregullore. Këto kritere bëhen publike përpara fillimit të aplikimeve për transferim të programit të studimit.
8. Vendimi për njohjen e plotë të krediteve të fituara nga një student që transferohet, i takon komisionit adhoc të propozuar nga njësia bazë dhe të miratuar nga drejtuesi i njësisë kryesore.

Procedurat për transferimin e studimeve

1. Procedurat për transferimin e studimeve fillojnë në përputhje me udhëzimet e ministrisë përgjegjëse për arsimin e lartë dhe pranohen në fillim të çdo viti akademik, jo më vonë se fundi i javës së dytë të semestrit të parë.
2. Kandidati paraqet pranë sekretarive mësimore që mbulojnë programin përkatës të studimit dokumentacionin e nevojshëm, i cili përbëhet nga:
a. kërkesa drejtuar njësisë kryesore për programin në të cilin do të transferojë studimet;
b. karta e studentit ose çdo dokument tjetër që vërteton statusin e studentit në universitetin nga vjen;
c. vërtetim në lidhje me programin e studimit dhe kursin ku ka qënë i regjistruar, vitin akademik që ka ndërprerë studimet;
d. plani i plotë i programit të studimit, përfshirë dhe sylabuset përkatëse;
e. vërtetim të listës së notave, krediteve të fituara për çdo lëndë dhe detyrim të shlyer;
f. vërtetim për pikët e fituara në maturën shtetërore;
g. dokument që vërteton nëse gëzon të drejtë burse ose jo;
h. fotokopje të dokumentit të identifikimit;
i. dy fotografi;
j. kopje të mandat-pagesës.

Studenti që transferohet nga një institucion i huaj i arsimit të lartë duhet të dorëzojë të përkthyer në gjuhën shqipe dhe të njësuar me origjinalin: listën e notave, planin e plotë të programit dhe sylabuset përkatëse;
3. Sekretaria mësimore ndjek të gjithë praktikën, sipas udhëzimit të ministrisë përgjegjëse për arsimin e lartë, mbi procedurat e aplikimit të kandidatëve dhe përcjell në njësitë bazë ose njësinë kryesore kërkesat e grumbulluara dhe dokumentacionin e verifikuar.
4. Njësia bazë ose kryesore mund të vendosë kritere specifike për pranimin e transferimit të studimeve, të cilat miratohen në dekanat. Kriteret e pranimit shpallen publikisht me fillimin e procesit të transferimeve në UPT.

Njohja e krediteve

1. Njohja e krediteve të marra nga një student, me qëllim vazhdimin e studimeve në UPT, bëhet nga njësia bazë përgjegjëse për programin e studimit ose njësia kryesore, sipas procedurave dhe kritereve të përcaktuara në këtë rregullore.
2. Drejtuesi i njësisë kryesore miraton komisionin adhoc të njohjes dhe ekuivalentimit të studimeve të përbërë nga 3-5 anëtarë të personelit akademik, të propozuar nga drejtuesi i njësisë bazë, për të bërë përzgjedhjen e kandidatëve në përputhje me kriteret e vendosura dhe kuotat e parashikuara për çdo program studimi, si dhe njohjen e krediteve të fituara prej tyre në programet apo vitet e mëparshme të studimit. Për disiplina të veçanta, kur komisioni e vlerëson të nevojshme, merr mendimin për njohjen e lëndës/modulit nga titullari i lëndës.
3. Komisioni adhoc shqyrton dokumentat e paraqitura nga kandidati, bën njohjen e lëndëve/moduleve që ka dhënë studenti me lëndët/modulet respektive të programit të studimit ku kandidati aplikon. Njohja e lëndëve/moduleve dhe krediteve bëhet duke patur parasysh kreditet e lëndës dhe programin e lëndës.
4. Lëndët e njohura, me kreditet dhe notat e fituara në programin e studimit që ka lënë, pasqyrohen në suplementin e diplomës të programit të studimit që ndjek studenti.
5. Lënda ose moduli ekuivalentohet kur:
a. ka emërtim të njëjtë ose të ngjashëm me lëndën/modulin e programit të studimit ku transferohet;
b. trajton tema të njëjta ose të ngjashme dhe ka përputhje të ngarkesës në auditor në masën mbi 70% të lëndës/modulit që zhvillohet në programin e studimit në UPT.
6. Në funksion të numrit të krediteve të njohura, komisioni adhoc përcakton vitin ku do të regjistrohet studenti, në përputhje me nenet e kësaj rregulloreje si dhe përcakton numrin e lëndëve dhe krediteve që duhet të plotësojë studenti në përputhje me programin e studimit ku është pranuar.
7. Komisioni adhoc bën renditjen e kandidatëve që kanë aplikuar për transferim studimesh, bazuar në pikëzimin për çdo kriter vlerësimi, dhe vlerëson kandidatin me statusin fitues/jo fitues.
8. Komisioni adhoc përgatit dokumentacionin përkatës, për çdo aplikant, dhe ia përcjell atë drejtuesit të njësisë kryesore për miratim.
9. Drejtuesi i njësisë kryesore shpall në mjediset publike të njësisë kryesore dhe në faqen zyrtare të njësisë kryesore listën me renditjen e kandidatëve, sipas afateve të përcaktuara në udhëzimet e ministrisë përgjegjëse për arsimin e lartë.
10. Kandidatët kanë të drejtën e ankimimit në njësinë kryesore, ku bën pjesë njësia bazë përgjegjëse për programin e studimit, brenda 3 (tri) diteve kalendarike nga dita e shpalljes së rezultateve. Komisioni i ankimimit, i ngritur nga drejtuesi i njësisë kryesore, shprehet me vendim të argumentuar lidhur me ankimimin brenda 2 (dy) ditëve pune nga data e paraqitjes së ankesave.

Procedurat e regjistrimit, pas miratimit të transferimit

1. Studenti pas shpalljes fitues duhet të paraqitet pranë sekretarive mësimore që mbulojnë programin përkatës të studimeve për t’u regjistruar, duke dorëzuar dokumentin original të çregjistrimit nga IAL që transferohet si dhe të gjitha dokumentat e nevojshme, në përputhje me udhëzimet e ministrisë përgjegjëse për arsimin e lartë.
2. Mosparaqitja për regjistrim, apo mosplotësimi i dokumentave të nevojshme për regjistrim, brenda afateve të vendosura nga udhëzimi i ministrisë përgjegjëse për arsimin e lartë, sjell si pasojë humbjen e të drejtës për regjistrim. Procedurat e mëtejshme të regjistrimit bëhen në përputhje me udhëzimet e ministrisë përgjegjëse për arsimin e lartë.
3. Në momentin e regjistrimit, aplikanti fitues pajiset me dokumentacionin përkatës, të përgatitur nga komisioni i njohjes dhe ekuivalentimit të krediteve, ku tregohet se cilat lëndë/module i njihen, kreditet respektive të fituara, si dhe viti në të cilin do të vazhdojë studimet. Gjithashtu, sekretaria mësimore informon studentin mbi lëndët/modulet të cilat duhet të frekuentojë, në vitet e mëparshme, për shkak të moszhvillimit të tyre në planin mësimor të IAL nga vjen studenti.

Transferimi i studentëve të UPT-së në universitete të tjera

1. Studentët e UPT-së të cilët duan të transferojnë studimet në një IAL tjetër, brenda ose jashtë vendit, në të njëjtin program studimi ose në programe studimi të ngjashme, duhet t’i paraqesin një kërkesë me shkrim drejtuesit të njësisë kryesore të UPT-së.
2. Studentit i vihet në dispozicion dokumentacioni i plotë: lista e notave dhe kreditet e fituara, sylabuset e lëndëve/moduleve të shlyera, vërtetim nga sekretaria mësimore mbi vitin të cilin frekuenton, etj.

Njohja e krediteve për proces mësimor të realizuar jashtë UPT-së

1. Studentët në UPT, në kuadër të projekteve të ndryshme evropiane, mund të shkojnë dhe të realizojnë lëndë/module në institucionet e arsimit të lartë jashtë vendit, me të cilat UPT-ja ka marrëveshje të shkëmbimit të personelit akademik dhe të studentëve.
2. Studentëve u njihen kreditet e realizuara gjatë procesit mësimor në institucionin pritës, mbështëtur në marrëveshjet e bashkëpunimit me UPT-në. Lëndët/modulet, që do të realizohen në institucionin pritës, miratohen nga drejtuesi i njësisë bazë përgjegjëse për programin e studimit, dekani dhe drejtuesi i projektit në UPT.
3. Studenti, pas realizimit të procesit mësimor në institucionin pritës, duhet të dëshmojë me dokument zyrtar kreditet e realizuara.
4. Studentit do t’i njihen për ekuivalentim vetëm kreditet e lëndëve, për të cilat është rënë dakord në marrëveshjen e bashkëpunimit. Nëse studenti ka dhënë provim dhe është vlerësuar pozitivisht për lëndë të tjera, të cilat nuk janë në marrëveshje, të pasqyrohen në suplementin e diplomës.
5. Lëndët dhe kreditet e përftuara në institucionin pritës pasqyrohen në suplementin e diplomës së programit të studimit që ndjek studenti.

Njohja e dijeve dhe aftësive profesionale të certifikuara

1. Universiteti Politeknik i Tiranës mund të njohë si kredite të formimit universitar, në programet e veta të studimit, njohuri dhe aftësi profesionale të certifikuara sipas akteve ligjore në fuqi, si dhe njohuri të veprimtarive formuese, të nivelit pas shkollës së mesme dhe që janë në përputhje me objektivat specifikë të programit përkatës të studimit. Në këtë rast, numri maksimal i krediteve të njohura nuk i kalon 60 (gjashtëdhjetë) kredite për programet e studimit të ciklit të parë dhe 40 (dyzet) kredite për programet e studimit të ciklit të dytë.
2. Universiteti Politeknik i Tiranës nuk mund të njohë si kredite formuese universitare njohuri të fituara në programet e studimit të nivelit të shkollave të mesme, pavarësisht orientimit profesional të tyre.
3. Për njohjen dhe ekuivalentimin e këtyre krediteve drejtuesi i njësisë bazë, përgjegjës për programin e studimit, ngre komisionin adhoc të njohjes dhe ekuivalentimit, me të paktën 3 anëtarë, i cili miratohet nga drejtuesi i njësisë kryesore.
4. Komisioni adhoc krahason programin e veprimtarisë formuese të kryer me programet e disiplinave respektive. Në këto raste verifkohen sasia e orëve të zhvilluara, objektivat formuese të kurseve të ndjekura, niveli i certifikatave të marra, përafërsia e programeve të zhvilluara me programet e studimit përkatës, etj.
5. Komisioni adhoc, brenda pesë ditëve pune, merr vendim mbi sasinë e krediteve të njohura dhe ia përcjell atë drejtuesit të njësisë kryesore.
6. Drejtuesi i njësisë kryesore i përcjell këtë vendim të komisionit adhoc sekretarisë mësimore të njësisë kryesore dhe studentit.

Njohja e krediteve të fituara në programet Master profesional

1. Universiteti Politeknik i Tiranës mund të njohë si kredite të realizuara për një program studimi të ciklit “Master shkencor”, kreditet e fituara në programet “Master profesional”, kur ato janë në përputhje me objektivat specifike të programit përkatës të studimit.
2. Për njohjen e këtyre krediteve, drejtuesi i njësisë bazë, përgjegjës për programin e studimit, ngre komisionin adhoc të njohjes dhe ekuivalentimit, me të paktën 3 anëtarë, i cili miratohet nga drejtuesi i njësisë kryesore.
3. Komisioni adhoc verifikon sasinë e krediteve dhe orëve të zhvilluara, për programet lëndore me të njëjtin emërtim ose të përafërta, të zhvilluara në programin e ciklit të dytë “Master profesional”.
4. Komisioni adhoc, brenda pesë ditëve punë, merr vendim mbi sasinë e krediteve të njohura dhe ia përcjell atë drejtuesit të njësisë kryesore për miratim.
5. Drejtuesi i njësisë kryesore i përcjell këtë vendim të komisionit adhoc sekretarisë mësimore të njësisë kryesore.
6. UPT-ja nuk njeh si kredite të realizuara, për një program studimi të ciklit të dytë, kredite të fituara në çfarëdo program studimi të ciklit të parë.

Ndjekja e një programi të dytë studimi

1. Studentët që kanë kryer një program studimi të ciklit të parë ose të ciklit të dytë, kanë të drejtë të ndjekin një program të dytë studimi, në të njëjtin cikël studimi, në përputhje me kriteret e pranimit të përcaktuara në rregulloren e programit të studimit përkatës.
2. Procedurat e aplikimit për program të dytë studimi bëhen në përputhje me kuadrin ligjor në fuqi. Studentit i njihen kreditet e fituara, në përputhje me kërkesat e kësaj rregulloreje.

Ankimimi

1. Në rast se studenti nuk bie dakord me vendimmarrjen e komisionit të njohjes dhe ekuivalentimit të krediteve, ai mund të ankimojë vendimin pranë zyrës së drejtuesit të njësisë kryesore. Në këtë rast, drejtuesi i njësisë kryesore ngre një komision apeli, me tre përfaqësues, të cilët nuk kanë qenë anëtarë të komisionit të ekuivalentimit.
2. Komisioni i ankimimit rishikon procedurat e ndjekura, dokumentacionin përkatës dhe analizon vendimin e marrë. Në rast se e shikon të nevojshme, komisioni i ankimimit thërret për sqarime komisionin përkatës të njohjes dhe ekuivalentimit ose anëtarë të veçantë të tij. Vendimi i komisionit të ankimimit është i formës së prerë.