Botohet studimi me titull "Nanomaterialet për Konservimin e Trashëgimisë Kulturore"
Studimi i mundësuar nga AKKSHI (Agjencia Kombëtare e Kërkimit Shkencor dhe Inovacionit) për Shqipërinë dhe CNR (Consiglio Nazionale delle Ricerche) Këshilli Kombëtar i Kërkimeve Shkencore të Italisë, zbatuar nga UPT në vendin tone dhe nga Instituti i Kristalografisë në Bari,, paraqet një analizë teorike të mbrojtjes dhe konservimit të trashëgimisë kulturore të gurit, të mbështetur edhe në legjislacionin përkatës të Evropës dhe vendit tonë, sintezën dhe karakterizimin e nanomaterialeve të grupit të tokave alkaline, optimizimin e prodhimit eksperimental dhe analizën e detajuar të mbrojtjes së traventinave, duke krijuar një bazë për kuptimin e natyrës së realizimit të konsolidimit me nanomateriale dhe strategjive që duhen ndjekur për realizimin e saj. Në llojin e tij, studimi synon një qasje inxhinierike te bazave të realizimit të mbrojtjes dhe konsolidimit të trashëgimisë kulturore të gurit, në këndvështrimin e shikimit të procesit si fenomen që mund të zbatohet në praktike gjerësisht apo i kufizuar. Në përfundim, studimi u botua si editorial me titull "Nanomaterialet për Konservimin e Trashëgimisë Kulturore" që u shkrua për të mundësuar përhapjen e studimit, punës shkencore eksperimentale dhe përpunimin e rezultateve me metodat bashkëkohore që përdoren sot për nanomaterialet. Botimi i plotë në pdf mund të shkarkohet në faqen e UPT, ndërsa kopje të tij gjenden në Bibliotekën Kombëtare me ISBN 978-99943-2-468-2, si edhe në Bibliotekën e UPT.
Kopertina
Njoftim - Zhvillohet takimi i parë i projektit "BKSTONE". Në datat 17-18 shkurt, në Universitetin Politeknik të Tiranës, në sallën " Silvano Pedrollo", u zhvillua takimi i parë i projektit "BKSTONE".
Universiteti Politeknik i Tiranës është në rolin e koordinatorit të projektit. Projekti "BKSTONE" nën programin "Ndërtim Kapacitetesh në AL" me titullin "Higher Education-Enterprise Platform for Fostering, Modernization and Sustainable Growth in Natural Stone Industry in WBs.", është financuar nga programi Erasmus+.
Për herë të parë në Shqipëri, po realizohet një projekt me këtë lloj gjithpërfshirjeje: Akademinë , Institucione private dhe shtetërore, që kanë si fjalë kyçe "GURIN NATYRAL".
Në partneritetin prej 14 institucionesh të Arsimit të Lartë, dhe Qendra Kërkimore, nga vendet e Ballkanit dhe BE, 3 prej tyre janë nga Shqipëria: Universiteti Politeknik i Tiranës, Universiteti i Elbasanit, " Aleksandër Xhuvani" dhe Universiteti i Gjirokastrës , "Eqrem Çabej".
Vini re !!!!
Tashmë, për studentët, ka ndryshuar adresa e regjistrimit në platformën e punësimit online, GRADUA.
Nga gradua.almalaurea.it në adresën e re:https://gradua.rash.al/, ndërkohë që për studentët e regjistruar më herët,
kredencialet në platformë kanë mbetur të pandryshuara.
Njoftim - Zhvillohet programi i informimit dhe komunikimit të platformës GRADUA pranë Universitetit Politeknik të Tiranës
Gjatë muajit Janar 2020 do të zhvillohen informime të studentëve pranë secilit fakultet të Universitetit Politeknik të Tiranës në lidhje me platformën e projektit GRADUA.
Projekti GRADUA ka si qëllim të krijojë bashkëpunime konkrete midis Universitetit dhe tregut të punës nëpërmjet krijimit të një platforme të përbashkët. Kjo platformë do të ofrojë forma të reja rekrutimi, nëpërmjet rritjes së mundësisë së ekspozimit të studentëve ndaj bizneseve të interesuara sipas fushave të ekspertizës. Ajo do të bëjë të mundur ndjekjen e të diplomuarve dhe punësimin e tyre, duke u mbështetur në praktikat më të mira të BE-së. Mbi këtë projekt merrni informacionin e nevojshëm në linkun:https://www.graduaproject.com/
Gjithashtu do të zhvillohet dhe një Info Day në Rektoratin e UPT-së, ku janë të ftuar të marrin pjesë të gjithë studentët e interesuar për të marrë më shumë informacion rreth benefiteve që përfitojnë nga regjistrimi në platformë.
Për më tepër informacion rreth ditëve të informimit dhe programit të detajuar klikoni këtu
Kemi 103 vizitorë e asnjë përdorues në linjë
Pas një edicioni të suksesshëm në dhjetor 2022, Ambasada e Francës në Rumani dhe Agjencia Universitare e Frankofonisë organizojnë edicionin e 2-të të Simpoziumitt ë kërkimit shkencor Frankofon në Europën qëndrore dhe atë të lindjes (SRSF_ECO’2023) që do të zhvillohet në datat 27-28 nëntor në Bibliotekën qëndrore universitare CAROL I të Bukureshtit.
Afati I dorëzimit të artikujve shkencorë, 13 Tetor, 2023.
Për më tepër informacion klikoni në linkun: srsf-eco-2023.auf.org
Internship-i do të zgjatë 4 muaj dhe do të zhvillohet nga 16 Tetor, 2023 deri në 16 Shkurt , 20024.
Të gjitha internship-et do të zhvillohen në distancë.
Klikoni në link-un e mëposhtëm për kushtet e internship-it:
Stages de traduction langue nationale – français à distance en partenariat avec la RFI Roumanie - AUF Afati I aplikimit: 08 October 2023,
Për më tepër informacion kontaktoni në këtë adresë emali li: Questo indirizzo email è protetto dagli spambots. E' necessario abilitare JavaScript per vederlo..
Në kuadër të bashkëpunimit të Universitetit Politeknik të Tiranës me Albanian American Development Foundation (AADF) për studentët dhe gjithë të interesuarit bëjmë me dije se më 18 Tetor, ora 16:00 në Hotel “Mak Albania Tirana”, Salla “Illyria” organizohet Panairi i Masterit dhe Internshipit në SHBA.
Ky panair shërben për t’u informuar rreth mundësive për studime Master në universitetet më të mira amerikane dhe për të patur eksperiecë pune 6-mujore në kompani prestigjioze në SHBA.
Strategjia e Specializimit Inteligjent (S3 – Smart Specialization Strategy)është një prioritet i Qeverisë Shqiptare dhe një instrument i rëndësishëm për drejtimin e investimeve të ardhshme në fushat prioritare dhe në zhvillimin e bazuar në dije dhe inovacion.
Strategjia e Specializimit Inteligjent është një proces i rëndësishëm për ekonominë e vendit tonë, veçanërisht në kuadër të integrimit në BE, si pjesë e 2 kapitujve: Kapitullit 20 ”Ndërmarrjet dhe Politikat Industriale” dhe Kapitullit 25 “Shkenca dhe Kërkimi”, si dhe pjesë e agjendës së BE-së për Ballkanin Perëndimor për Kërkimin, Inovacionin, Arsimin, Kulturën, Rininë dhe Sportet 2021-27 dhe planit të veprimit të Ballkanit Perëndimor 2021-2024 në kuadër të Procesit të Berlinit.
Universiteti Politeknik i Tiranës, si institucion publik i arsimit të lartë është angazhuar në këtë proces të rëndësishëm.
Një informacion më të plotë mbi procesin e S3 gjeni në linkun: S3 Albania