Botohet studimi me titull “Nanomaterialet për Konservimin e Trashëgimisë Kulturore”
Studimi i mundësuar nga AKKSHI (Agjencia Kombëtare e Kërkimit Shkencor dhe Inovacionit) për Shqipërinë dhe CNR (Consiglio Nazionale delle Ricerche) Këshilli Kombëtar i Kërkimeve Shkencore të Italisë, zbatuar nga UPT në vendin tone dhe nga Instituti i Kristalografisë në Bari,, paraqet një analizë teorike të mbrojtjes dhe konservimit të trashëgimisë kulturore të gurit, të mbështetur edhe në legjislacionin përkatës të Evropës dhe vendit tonë, sintezën dhe karakterizimin e nanomaterialeve të grupit të tokave alkaline, optimizimin e prodhimit eksperimental dhe analizën e detajuar të mbrojtjes së traventinave, duke krijuar një bazë për kuptimin e natyrës së realizimit të konsolidimit me nanomateriale dhe strategjive që duhen ndjekur për realizimin e saj. Në llojin e tij, studimi synon një qasje inxhinierike te bazave të realizimit të mbrojtjes dhe konsolidimit të trashëgimisë kulturore të gurit, në këndvështrimin e shikimit të procesit si fenomen që mund të zbatohet në praktike gjerësisht apo i kufizuar.Në përfundim, studimi u botua si editorial me titull “Nanomaterialet për Konservimin e Trashëgimisë Kulturore” që u shkrua për të mundësuar përhapjen e studimit, punës shkencore eksperimentale dhe përpunimin e rezultateve me metodat bashkëkohore që përdoren sot për nanomaterialet.Botimi i plotë në pdf mund të shkarkohet në faqen e UPT, ndërsa kopje të tij gjenden në Bibliotekën Kombëtare me ISBN 978-99943-2-468-2, si edhe në Bibliotekën e UPT.
Kopertina
Njoftim - Zhvillohet takimi i parë i projektit “BKSTONE"
Në datat 17-18 shkurt, në Universitetin Politeknik të Tiranës, në sallën “ Silvano Pedrollo”, u zhvillua takimi i parë i projektit “BKSTONE”.
Universiteti Politeknik i Tiranës është në rolin e koordinatorit të projektit. Projekti “BKSTONE” nën programin “Ndërtim Kapacitetesh në AL” me titullin “Higher Education-Enterprise Platform for Fostering, Modernization and Sustainable Growth in Natural Stone Industry in WBs.”, është financuar nga programi Erasmus+.
Për herë të parë në Shqipëri, po realizohet një projekt me këtë lloj gjithpërfshirjeje: Akademinë , Institucione private dhe shtetërore, që kanë si fjalë kyçe “GURIN NATYRAL”.
Në partneritetin prej 14 institucionesh të Arsimit të Lartë, dhe Qendra Kërkimore, nga vendet e Ballkanit dhe BE, 3 prej tyre janë nga Shqipëria: Universiteti Politeknik i Tiranës, Universiteti i Elbasanit, “ Aleksandër Xhuvani” dhe Universiteti i Gjirokastrës , “Eqrem Çabej”.
Vini re !!!!!
Tashmë, për studentët, ka ndryshuar adresa e regjistrimit në platformën e punësimit online, GRADUA.
Nga gradua.almalaurea.it në adresën e re:https://gradua.rash.al/, ndërkohë që për studentët e regjistruar më herët,
kredencialet në platformë kanë mbetur të pandryshuara.
Njoftim - Zhvillohet programi i informimit dhe komunikimit të platformës GRADUA pranë Universitetit Politeknik të Tiranës
Gjatë muajit Janar 2020 do të zhvillohen informime të studentëve pranë secilit fakultet të Universitetit Politeknik të Tiranës në lidhje me platformën e projektit GRADUA.
Projekti GRADUA ka si qëllim të krijojë bashkëpunime konkrete midis Universitetit dhe tregut të punës nëpërmjet krijimit të një platforme të përbashkët. Kjo platformë do të ofrojë forma të reja rekrutimi, nëpërmjet rritjes së mundësisë së ekspozimit të studentëve ndaj bizneseve të interesuara sipas fushave të ekspertizës. Ajo do të bëjë të mundur ndjekjen e të diplomuarve dhe punësimin e tyre, duke u mbështetur në praktikat më të mira të BE-së. Mbi këtë projekt merrni informacionin e nevojshëm në linkun:https://www.graduaproject.com/
Gjithashtu do të zhvillohet dhe një Info Day në Rektoratin e UPT-së, ku janë të ftuar të marrin pjesë të gjithë studentët e interesuar për të marrë më shumë informacion rreth benefiteve që përfitojnë nga regjistrimi në platformë.
Për më tepër informacion rreth ditëve të informimit dhe programit të detajuar klikoni këtu
Kemi 214 vizitorë e asnjë përdorues në linjë
Në kuadër të projektit global INSPIRELI, ftohen studentët e Universitetit Politeknik të Tiranës, Fakultetit të Arkitekturës dhe Urbanistikës, të marrin pjesë në konkursin më të madh ndërkombëtar të studentëve.
Objektivi i këtij konkursi është të ndihmojë në lehtësimin e fillimit të karrierës së arkitektëve të talentuar nga e gjithë bota, pavarësisht prejardhjes së tyre ekonomike, etnike, ose shoqërore.
Çmimet INSPIRELI bashkojnë studentë të arkitekturës dhe krijojnë profesionistë nga 142 vende dhe të gjitha kontinentet. Juria e konkursit, e përbërë nga mbi 500 arkitektë, nga më shumë se 100 vende, përfshirë Selinë e Shenjtë të Vatikanit, përbën jurinë më të madhe në historinë e arkitekturës. Konkursi është partnerizuar me Unionin Afrikan të Arkitektëve, Unionin e Arkitektëve Mesdhetarë dhe grupin Vishegrad.
Leksion i hapur me studentët e vitit të III-të Bachelor
Në kuadër të marrëveshjes së bashkëpunimit që UPT ka me Drejtorinë e Përgjithshme të Pronësisë Industriale në datën 10 Maj 2021, u organizua një leksion i hapur për studentët e UPT-së.
Leksioni u zhvillua nëpërmjet platformës online, me temë: "Njohja e objekteve të pronësisë Industriale dhe roli i DPPI-së në mbrojten e tyre".
Në këtë aktivitet morën pjesë rreth 50 studentë të nivelit BSc, që studiojnë në fushat e ndryshme që ofron UPT.
Në fokusin e punës së DPPI-së qëndron bashkëpunimi i ngushtë me sistemin arsimor për ndërgjegjësimin e brezave të rinj në lidhje me fushën.
Linku i UNIMED:https://www.uni-med.net/en/
UNIMED Projects & Activities
Në kuadër të bashkëpunimit midis Universitetit Politeknik të Tiranës dhe kompanisë AlbChrome, pjesë e Balkan Finance Investment Group (BALFIN Group), hapet thirrja për 5 vende punësimi në këto pozicione:
1.Inxhinier Elektrik
2.Inxhinier Mekanik
3.Inxhinier Materialesh
Afati i fundit për dorëzimin e dokumentave është data 20 Maj 2021.
Për më tepër detaje rreth mënyrës së aplikimit klikoni këtu.