Botohet studimi me titull “Nanomaterialet për Konservimin e Trashëgimisë Kulturore”
Studimi i mundësuar nga AKKSHI (Agjencia Kombëtare e Kërkimit Shkencor dhe Inovacionit) për Shqipërinë dhe CNR (Consiglio Nazionale delle Ricerche) Këshilli Kombëtar i Kërkimeve Shkencore të Italisë, zbatuar nga UPT në vendin tone dhe nga Instituti i Kristalografisë në Bari,, paraqet një analizë teorike të mbrojtjes dhe konservimit të trashëgimisë kulturore të gurit, të mbështetur edhe në legjislacionin përkatës të Evropës dhe vendit tonë, sintezën dhe karakterizimin e nanomaterialeve të grupit të tokave alkaline, optimizimin e prodhimit eksperimental dhe analizën e detajuar të mbrojtjes së traventinave, duke krijuar një bazë për kuptimin e natyrës së realizimit të konsolidimit me nanomateriale dhe strategjive që duhen ndjekur për realizimin e saj. Në llojin e tij, studimi synon një qasje inxhinierike te bazave të realizimit të mbrojtjes dhe konsolidimit të trashëgimisë kulturore të gurit, në këndvështrimin e shikimit të procesit si fenomen që mund të zbatohet në praktike gjerësisht apo i kufizuar.Në përfundim, studimi u botua si editorial me titull “Nanomaterialet për Konservimin e Trashëgimisë Kulturore” që u shkrua për të mundësuar përhapjen e studimit, punës shkencore eksperimentale dhe përpunimin e rezultateve me metodat bashkëkohore që përdoren sot për nanomaterialet.Botimi i plotë në pdf mund të shkarkohet në faqen e UPT, ndërsa kopje të tij gjenden në Bibliotekën Kombëtare me ISBN 978-99943-2-468-2, si edhe në Bibliotekën e UPT.
Kopertina
Njoftim - Zhvillohet takimi i parë i projektit “BKSTONE"
Në datat 17-18 shkurt, në Universitetin Politeknik të Tiranës, në sallën “ Silvano Pedrollo”, u zhvillua takimi i parë i projektit “BKSTONE”.
Universiteti Politeknik i Tiranës është në rolin e koordinatorit të projektit. Projekti “BKSTONE” nën programin “Ndërtim Kapacitetesh në AL” me titullin “Higher Education-Enterprise Platform for Fostering, Modernization and Sustainable Growth in Natural Stone Industry in WBs.”, është financuar nga programi Erasmus+.
Për herë të parë në Shqipëri, po realizohet një projekt me këtë lloj gjithpërfshirjeje: Akademinë , Institucione private dhe shtetërore, që kanë si fjalë kyçe “GURIN NATYRAL”.
Në partneritetin prej 14 institucionesh të Arsimit të Lartë, dhe Qendra Kërkimore, nga vendet e Ballkanit dhe BE, 3 prej tyre janë nga Shqipëria: Universiteti Politeknik i Tiranës, Universiteti i Elbasanit, “ Aleksandër Xhuvani” dhe Universiteti i Gjirokastrës , “Eqrem Çabej”.
Vini re !!!!!
Tashmë, për studentët, ka ndryshuar adresa e regjistrimit në platformën e punësimit online, GRADUA.
Nga gradua.almalaurea.it në adresën e re:https://gradua.rash.al/, ndërkohë që për studentët e regjistruar më herët,
kredencialet në platformë kanë mbetur të pandryshuara.
Njoftim - Zhvillohet programi i informimit dhe komunikimit të platformës GRADUA pranë Universitetit Politeknik të Tiranës
Gjatë muajit Janar 2020 do të zhvillohen informime të studentëve pranë secilit fakultet të Universitetit Politeknik të Tiranës në lidhje me platformën e projektit GRADUA.
Projekti GRADUA ka si qëllim të krijojë bashkëpunime konkrete midis Universitetit dhe tregut të punës nëpërmjet krijimit të një platforme të përbashkët. Kjo platformë do të ofrojë forma të reja rekrutimi, nëpërmjet rritjes së mundësisë së ekspozimit të studentëve ndaj bizneseve të interesuara sipas fushave të ekspertizës. Ajo do të bëjë të mundur ndjekjen e të diplomuarve dhe punësimin e tyre, duke u mbështetur në praktikat më të mira të BE-së. Mbi këtë projekt merrni informacionin e nevojshëm në linkun:https://www.graduaproject.com/
Gjithashtu do të zhvillohet dhe një Info Day në Rektoratin e UPT-së, ku janë të ftuar të marrin pjesë të gjithë studentët e interesuar për të marrë më shumë informacion rreth benefiteve që përfitojnë nga regjistrimi në platformë.
Për më tepër informacion rreth ditëve të informimit dhe programit të detajuar klikoni këtu
Kemi 132 vizitorë e asnjë përdorues në linjë
Në kuadër të Paktit për Universitetin si dhe në zbatim të Vendimit Nr. 783, datë 26.12.2018 të Këshillit të Ministrave “Për vlerësimin e performancës në mësimdhënie të personelit akademik në Institucionet e Arsimit të Lartë edhe përmes Sondazhit Kombëtar të Studentëve”, Agjencia e Sigurimit të Cilësisë në Arsimin e Lartë (ASCAL) ka filluar procesin e shpërndarjes së pyetësorit për Sondazhit Kombëtar të Studentëve.
Ju ftojmë të merrni pjesë në procesin e vlerësimit të cilësisë së mësimdhënies nëpërmjet plotësimit të pyetësorit kombëtar të studentëve.
Më shumë informacion mund të gjeni në linkun:
https://ascal.al/sq/sondazhi-kombetar-i-studenteve/metodologjia-dhe-instrumentat
Prof. Dr. Andrea Maliqari, Rektor i Universitetit Politeknik të Tiranës, Prof. Asoc. Akli Fundo, Zv/Rektor për anën mësimore, Prof. Asoc. Dr. Elfrida Shehu, Zv/Rektore për Kërkimin Shkencor dhe Marrëdhëniet me Jashtë, Akademik Jorgaq Kacani, Dekan i Fakultetit të Inxhinierisë Mekanike dhe Prof. Dr. Orion Zavalani, Dekan i Fakultetit të Inxhinierisë Elektrike pritën në vizitë zyrtare në Universitetin Politeknik të Tiranës Prof. Dr. Marjan Dema, Rektor i Universitetit të Prishtinës, i shoqëruar nga Prof. Dr. Gazmend Luboteni, Kryetar i Këshillit Shtetëror të Cilësisë, Prof. Ass. Dr. Dashamir Bërxulli, Prorektor për Bashkëpunim Ndërkombëtar, dhe Prof. Dr. Enver Hamiti, Dekan i Fakultetit të Inxhienirisë Elektrike. Palët diskutuan dhe u dakortësuan për avancimin konkret të bashkëpunimit midis dy institucioneve, veçanërisht për shkëmbimin e stafit akademik në fushën e energjetikës. Po ashtu, palët u pajtuan për të ruajtur komunikimin konstant dhe ndihmën reciproke në fusha të ndryshme të studimit, programin e doktoraturës dhe çështje të tjera me interes të dyanshëm.
Kompania Agikons njofton hapjen e dy pozicioneve të lira:
1. Drejtues Teknik
http://www.njoftime.com/showthread.php?412874-Drejtues-Teknik&p=413036#post413036
2. Inxhinier Mekanik
http://www.njoftime.com/showthread.php?412871-Inxhinier-mekanik&highlight=#.XKW381wzbcs
Ju lutemi referojuni linkeve të mësipërm në lidhje me detajet përkatëse si dhe faqes zyrtare të kompanisë: www.agikons.com